الملف اللي خلاني أبدأ أعمل كورسات

يعني إيه الملف ده؟

دا تسجيل صوتي فيه توكيدات إيجابية + أسئلة وعي، بصوتي، مخصوص لأي حد نفسه يبدأ يعمل كورسات أونلاين، بس مش عارف يبدأ منين.
كنت بسمّعه وأنا نايم… ومن غير تخطيط، بدأت أول كورس. وبعدها الموضوع كمل لوحده.

ده مش تمرين… ولا محتاج تركيز منك

التوكيدات دي مش محتاجة منك أي مجهود… مش هطلب منك تكتب ولا تعمل تمارين ولا حتى تركز.

كل اللي عليك: تشغّل الملف الصوتي جنبك على الموبايل قبل ما تنام، وتوطي الصوت على قدك، وتسيبه شغال.

بس الأهم من كده… تخلي نيتك واضحة: إنك عايز تبدأ تعمل كورسات، تطور نفسك، وتقدم قيمة للناس. تخلي دايماً هدفك تنفع الناس ازاى،

ومع الوقت…
هتتفاجئ! هتلاقي نفسك بتتحرك من غير ما تحس، بتبدأ تكتب، تسجل، تبني…
وهتقول لنفسك: "أنا كنت بسمع التوكيدات دي بقالّي شهرين ولا تلاته مثلاً… ونسيت أصلاً!"

عقلك الباطن هو اللي بيشتغل، بيقودك للخطوات، واحدة واحدة وخطوه خطوه… من غير ما تحس.

وافتكر دايمًا: خليك ماشي في طريقك… طوّر مهنتك - طور مهاراتك، استمر في شغلك - استثمر في تطورك، خذ بالأسباب… والتوكيدات هتكون الحليف الصامت اللي بيشتغل معاك في الخلفية 😴✨